السبت، 24 أبريل، 2010

فيك انا متيمة



فيك أنا متيمة * بيك أنامغرمة

دايبة وملهمة * عاشقة ومتحيرة

وبيقولولى متغيرة * جوبت وأنا متأثرة

بحبة ومش عايزة غيرة

دى مشاعرى كانت فقيرة

وبحبة بقيت أميرة

دى نظرة عنية خطيرة

وفـ قلبة بقيت أسيرة


قالولى

أوعى تكونى بتحلمى * وفـ قبرك بتحفرى

ويخونك أحساسك بية * وتهدى من تانى كل الى بنتية

دة كل الى عرفتية  * ميكفيش انك تحبية

دة يدوب يومين *  وقلتى عشقتية

أمال بعد شهرين  *  حبة هيوديكى لفين

قلتهم لامتخفوش

بمشعرى متستهونوش

دة لسانى معاة أنحاش * وكلامة مهوش بكاش

قلى



لكلمهم متهتميش

ولغيرى متروحيش

دة انا من غيرك صعب أعيش

الأربعاء، 14 أبريل، 2010

البخت مبيحدفش غير الخاينين


مغنواتى سارح فى بحر الليل

مسهراتى شارد فى قلبة المواويل

غنوة تفرح غنوة تبكى

وغنوة تحير كل جريح

لا عارفين نحب مين

ولا قادرين نقول عايزين

كل واحد فينا

عايش بوشين

وش يقول حاضر ونعم

ووش ساكت فى دنيا النغم

لأمتى هنفضل

ماشين فى الدنيا زى الغنم

لأمتى هنفضل كدة

دايرين فى ساقية متحيرين

لا نعرف لية ماشين

ولا نعرف لأمتى هنفضل تايهين

بس الأكيد أننا فى الحب واقعين

والأغرب اننا فى دوامة ومش حاسين

والبخت مبيحدفش غير الخاينين

بس ياريت نتعلم

ومنعملش زى الناس التانين



الاثنين، 5 أبريل، 2010

العين تبكى والقلب حزين





العين تبكى والقلب حزين



ولا أدرى ما بداخلى من شعور



هل مخدوعة أم مكسورة



ولكنى أشعر بحزن شديد أحاط بى



ولازال يغمرنى هذا الأحساس



دموعى تسيل بغزارة دون أى سبب



فهل هذا بسبب القلب



فالقلب وحيد ليس لدية خليل يأنسة



والروح تائهه تبحث عن قلب تسكنة



والعين حائرة تنظر فى كل العيون تأمل بالعين الحالمة



والبال مشغول يسأل عن حال صاحبتة



يريد ان يريح قلبها



ولكنة شارد لا يعرف كيف



لكنة يعلم أنة سياتى اليوم الذى يرتاح قلبها



والروح والعين تهدأ ويعيشان عيشة هادئة







إمضاء

فى إنتظار يوم القاء