الأربعاء، 1 فبراير، 2012

لاشفت فيكي هنا ولاشفت فيكي ترف كل اللي فيكي قرف



إنا لله وإليه راجعون
حسبنا الله ونعم الوكيل فى ..
كل من أستباح ..
دماء وأعراض شعب مصر ..
حسبنا الله ونعم الوكيل فى كل من خان أمانه
الحكم فطغى وتكبر ..


يارب أرحم مصر من الغمه دى ..


وأعبر بنا الى ارض السلام ..
اللهم إنا لا نسالك رد القضاء ولكن نسألك اللطف فيه
يا خفى الالطاف نجنا مما نخاف
اللهم اكتب لمصر الأمن والسلامه





كفايا بقى يا شعب مصر ..
كفايا بجد تعبنا وزهقنا من كل الى بيحصل ..


كل شعب مصر ضد الى بيحصل ده ..
سواء جمهور الاهلى أو جمهور الزمالك ..
أو أى جمهور تانى ..
فى الاخر كلنا مصرين ..
كلنا بيجرى فى شرينا النيل ..
كلنا ضد الظلم والفساد .






لاشفت فيكي هنا ولاشفت فيكي ترف

 كل اللي فيكي قرف

لـِ هشام الجخ


هناك 24 تعليقًا:

أمة الرحمن يقول...

حاجة تغيظ
جهل وغباء وبلطجية
ياريت تكون محاكمات عسكرية فوريه

نسرين شرباتي "أم سما" يقول...

يا رب خير يا رب خير يا رب خير

همسة محبة يقول...

"لاشفت فيكي هنا ولاشفت فيكي ترف كل اللي فيكي قرف"
والله صدقتى مش عارفة سياسة الارض المحروقة هتفضل لمتى نفسى الاقىبلد جديدة بناس جديدةسلمت يداكى وان كنت اشعر بحرقة فى كل حرف

gmr14 يقول...

لم اتابع ماحدث ولكن سمعت ورأيت مجرد لقطات..
مؤسف ماحدث ومحزن.. الله يزيل الغمةويحفظ الجميع

تحية

ذو النون المصري يقول...

انا خارج مصر و مندهشين جدا كلنا هنا
و مكسوفين من الفوضي امام زملائنا
لم اتصور ابدا ان مباراة قد تخلف جرحي فضلا عن قتلي
لم اكن مهووسا ابدا بالكرة
لذلك لا اتصور وجود مهووسين لهذا الحد القاتل
اتصور ان الامر فيه طرف ثالث
من هو؟؟؟
اخشي ما اخشاه ان لا يكون الطرف الثالث موجود

ذو النون المصري يقول...
أزال أحد مشرفي المدونة هذا التعليق.
ذو النون المصري يقول...

العنوان فعلا فظيع

ياره عبدالله يقول...

أمه الرحمن
عندك حق فعلا حاجه تضايق وحاجه تطير العقل ربنا يستر على الى جاى ونعدى الغمه دى على خير .
ياااااااااااااااااارب

ياره عبدالله يقول...

نسرين..
ربنا يسمع منك يااااااااااارب
يارب خير يارب استجب دعواتنا يارب

ياره عبدالله يقول...

همسه محبه
فعلا عندك حق احنا منستهلش الحريه دى
ولا نعرف نتعامل معاها طول عمرنا وخدين اننا نمشى جمب الحيط ولانتكلم ولا نفتح بقنا
الحريه حاجه جديدة بالنسبه لينا عشان كده عايزة شعب تانى يتولد من جديد يعرف يتعامل بحريه .

ياره عبدالله يقول...

قمر 14
كويس انك متبعتيش كان قلبك هيتوجع اكتر
ادعى ربنا ان تعدى الايام دى على خير
ورحمه ربنا تنزل
ياااااااارب ارحمنا جميعا

rack-yourminds يقول...

هذا الحدث ادمي قلوبنا جميعا

لكن يا سيدتي شعب بورسعيد ونادي بورسعيد بعيد كل البعد عن هذه المؤامره التي تريد وقف مسيرة التحول الديمقراطي

تحياتي

ياره عبدالله يقول...

ذو النون المصرى
الهوس بالكره موجود من زمان
والخلافات والشباكات بين الجماهير موجوده من زمان برضة
لاكن اول مره يحصل بالمنظر المؤسف والمحزن ده
ومفيش طرف ثالث ولا حاجه الطرف الفاعل والمضبر للوقيعه دى موجود وواضح ولسببه الثوار واقفين لاحد دلوقتى فى التحرير .
ادعى ربنا يعدى الغمه دى على خير
وترجع صورتنا بين اخواتنا العرب الى صوابها.

ياره عبدالله يقول...

rack-yourminds

طبعا منقدرش نقول ان الى حصل ده سببه محافظه بورسعيد بأكملها ..
أسلوب التعميم ده كان أسلوب النظام السابق في الأزمات..
أحنا بنطالب بالقصاص ومحاسبة المسئولين مش بعقاب فئة من الشعب
إحنا كلنا لازم نكون إيد واحدة ضد الانقسام ده
وانا مذكرتش ف كلامى اى هجوم ضد بورسعيد الفوضى الى حصلت دى مش اعتراض على فريق او شباكات عاديه ضد فريق
ده مخطط ومضبر زى الى حصل فى موقعه الجمل
بس الى حصل فى بورسعيد كان مخطط بحرفيه اعلى .
ربنا ينتقم من الى فكر فى كل ده
وينصرنا ربنا عليهم
اللهم امين يارب العالمين

ظلالي البيضاء يقول...

أختي يارة ...
من دمشق الصمود والأمل والياسمين ..
أقدم عزائي لكم أهل مصر على سقوط هؤلاء الشهداء ..
وأسأل الله تعالى الفرج العاجل لكم ..
ما بعد العسر إلا اليسر وما بعد الضيق إلا الفرج ..

مع التحية الطيبة

ياره عبدالله يقول...

أخى العزيز
اهلا بك واهلا بأهل الدمشق الشقيقه
أشكرك على روحك الطيبه ..
وادعو الله ان ينصرنا ويحمى مصر من اى مكائد أخرى .

sweet angel يقول...

حسبنا الله ونعم الوكيل

انا عاوزة أسألك سؤال
انتي كنتي عايشه في السعوديه قبل كده

faroukfahmy58 يقول...

ياره
نشكر لك ونشكر لاخواننا فى سوريا مشاركتنا ونحن نتقبل عزائكم بكل التقدير والثناء

ياره عبدالله يقول...

sweet angel
لا مكنتش فى السعوديه
نفسى اسافر هناك جدا
بس لسه ربنا ماذنش
شكرا لتواجدك
وشكرا ليكى

ياره عبدالله يقول...

استاذ فاروق
اشكرك جدا جدا لمتابعه
بس انا مصريه
ربنا يوفق جميع الامه العربيه
ونعدى كل الازمات على خير ان شاء الله

جارة القمر يقول...

شئ مؤسف

تنكسف بجانبه الكلمات ان تخرج معلنة عن أسفنا لما حدث

ياره عبدالله يقول...

جاره القمر
فعلا شىء مؤسف جدا ما حدث
لاكن نأمل من الله انها تكون اخر الاحزان
ويظل الامل موجود بشروق شمس جديده .

عبير علاو يقول...

اللهم أصلح الحال

ياره عبدالله يقول...

اللهم أمين يارب العالمين