الأربعاء، 2 ديسمبر، 2009

عجبى عليك يا زمن




من ابداعات صلاح جاهين



يا بخت من يقدر يقول ..


واللى ف ضميره يطلَعه..


يا بخت من يقدر يفضفض بالكلام ..


وكل واحد يسمعه..


يقف فى وسط الناس ويصرخ:

 آه ياناس ..


ولا ملام ..


ييجي الطبيب يحكى له ع اللى بيوجعه ..


يكشف مكان الجرح ويحط الدوا .


ولو أنكوى ..


يقدر ينوح ..


وأنا اللى مليان بالجروح ..


ما أقدرش أقول ..


ما أقدرش أبوح ..


والسهم يسكن صدري ما أقدرش أنزعه ..


شوفى قد إيه ؟






أحنا النهاردة إيه فى أيام السنة .


شتا ولا صيف ..


وفين انا ..


إيه اللى وصلنى هنا ..


أنا صاحب البيت ولا ضيف ..
 
عجبى عليك يا زمن

ليست هناك تعليقات: